ഒരു ചെറുവെണ്‍ചിരി... (ഇപ്പോള്‍ കിട്ടിയത്‌!)

ഇന്നു നേരമിരുട്ടിയതോടെ ഫോണ്‍വിളികളുടെയും എസ്‌എംഎസുകളുടെയും തിരക്കായിരുന്നു. ചന്ദ്രനെക്കണ്ടോ എന്ന ചോദ്യം. ഒരു നേര്‍ത്ത നാളികേരപ്പൂളുപോലെ ഇന്നലെ രാത്രികണ്ട ചന്ദ്രന്‍ തന്നെയല്ലേ ഇന്നും എന്നു വിചാരിച്ച്‌ നോക്കിയപ്പോള്‍ മാനത്ത്‌ ഒരു വെണ്‍ചിരി!!.. ചന്ദ്രക്കലയും രണ്ടു നക്ഷത്രങ്ങളും ഒരുക്കിയ ചിരി അപ്പോഴേക്കും ഏവരും ഒരാഘോഷമാക്കിയിരുന്നു. 

ഇത്‌ രാത്രി എട്ടുമണിയോടെ തൃശൂരിന്റെ ആകാശക്കാഴ്‌ച (കാമറയുടെയും ഫോട്ടോ എടുത്തയാളിന്റെയും പരിമിതി ഈ ചിരിയില്‍ മറക്കുമല്ലോ...).

സമാനമായ ചിത്രം വേറെയാരെങ്കിലും ഭംഗിയായി പകര്‍ത്തിക്കാണുമെന്ന പ്രതീക്ഷയോടെ... ഒരു ചിരി.